Ұшып алтын ұядан,
Қияға жет, қарағым.
Сендерге тек нұр болып,
Төксін күндер шуағын.
Қос аққудай көлдегі,
Мәңгі бірге жүзіңдер.
Қуаныш пен шаттықты,
Қатар жүріп көріңдер.
Сендер үшін бақытты,
Басталды өмір белесі.
Сендер үшін нұрлы таң,
Атсын дейміз келесі.
Бақыт қарап сендерге,
Қызыр келіп қолдасын.
Ақ тілектер арнаған,
Бастарыңа орнасын!
Шолпан Жібекәлиқызы,
ақын, Қазақстан Журналистер одағының мүшесі.
