Адам жаны тыныштықты қалаған,
Жазылармыз сәтін салса жарадан.
Жамандықты қаламайды жан адам,
Құт боп келсін Ораза айы Рамазан!
Пиғылымыз,ниетіміз тазарып,
Мәлім болсын жүректегі сөз анық.
Нұрыменен көкте Алла жебесін,
Рауандап келе жатыр таң атып.
Ризықты ақ пейілден табайық,
Әр қазақты бауырым деп санайық.
«Бісміллә» деп босағадан аттаған,
Құтты болсын қасиетті ай, Халайық!
Гауһар АСҚАРҚЫЗЫ
