Қырғыздың қызы, қарағым
Неткен бір жылы жамалың
Жолаушы жүріп кезіктің,
Еліктей сұлу саналым.
Ретсіз қиял қумадым,
Теңіздей тасып туладым.
Көрініп тұрды көзіңнен,
Қазақпен бірге туғаның.
Ұлғайған жасым шағында,
Отырдың жанып қасымда.
Жүрекке нұрың құйылып,
Орандым оттай жалынға.
Қырғыздың қызы көркіңнен,
Шуақты екен жанарың.
Сөзім де келмей сұрауға,
Атыңды білмей барамын.
Лағын көріп еліктің,
Көзімді алмай қададым.
Мен саған мәңгі тілектес,
Қош енді, қош бол, көріктім.
Оңталап БАЗАРАЛЫ,
ақын.
