Сырлы қала, сұлу қала, мәз қала,
Тал-теректер тербеледі наздана.
Жан дүниең бір жаңарып шығады,
Аялдашы гүлзар баққа азғана.
Хош иісі бұрқыраған ғажап тым,
Бәрі осында әйел іздер ләззаттың.
Әлемдегі сұлу қала Қызылорда,
Берекесі, мәртебесі қазақтың.
Балалардың бал күлкісі тербеген,
Жан әлемін шаттықпенен зерлеген.
Менің қалам– ғажайыптар мекені,
Болашақтың бақытына төрлеген.
Алаңы бар балақайдың бал қылық,
Қала көркі жатыр қайта жаңғырып.
Ойнап жатыр күлімдеген бүлдіршін,
Өмір көркін тебірентіп ән қылып!
Гауһар ҚОЖАХМЕТОВА.
