Қарағандыдағы жанжалдан кейін Серік Сәпиев пен орынбасары қызметінен босатылған еді.
Араға көп уақыт салмай, даңқты боксшы Туризм және спорт министрінің штаттан тыс кеңесшісі болып тағайындалды.
Сондай-ақ, экс-спортшы жазғы XX Азия ойындарына дайындық штабының спорттық блогының үйлестірушісі болып тағайындалған. Бұл шешім биыл күшіне енген «Дене шынықтыру және спорт туралы» заңның жаңа редакциясында көзделген ротация жүйесі аясында қабылданып отыр.
Еске салайық, Серік Сәпиев – бокстан Лондон Олимпиадасының чемпионы, 2010 жылы Гуанчжоу қаласында өткен жазғы Азия ойындарының жеңімпазы. Осыған дейін ҚР Парламенті Мәжілісінің депутаты, ҚР Мәдениет және спорт министрлігінің Спорт және дене шынықтыру істері комитетінің төрағасы, өңірлік басқарма басшысы қызметтерін атқарған. Қазір ол – Қазақстан Республикасының Ұлттық сурдлимпиадалық комитетінің президенті.
