Бокстан Қазақстан ерлер құрамасының бас жаттықтырушысы Қайрат Сәтжанов қызметінен кетті. Оның орнына 50 жастағы Нұржан Насанов тағайындалды. Насанов — екі дүркін әлем чемпионы Санжар Тәшкенбайдың жеке бапкері ретінде танылған маман.
Қайрат Сәтжанов Токио мен Париж Олимпиада ойындарынан кейін ұлттық құраманы екі мәрте басқарды. Оның жетекшілігімен өткен үш әлем чемпионатында қазақстандық боксшылар 15 медаль жеңіп алды: 9 алтын, 3 күміс және 3 қола.
Әлем чемпионаттарындағы нәтиже:
Белград–2021 (Сербия)
Қазақстан: 2+2+1=5
Ливерпуль–2025 (Ұлыбритания, World Boxing)
Қазақстан: 4+0+0=4
Дубай–2025 (БАӘ, IBA)
Қазақстан: 3+1+2=6
Нұржан Насанов 1975 жылы 23 қазанда дүниеге келген. Ол бапкерлік қызметін 2016 жылы бастаған. 2024 жылдан бастап Қазақстан ұлттық құрамасының бапкерлер штабына кіріп, Қайрат Сәтжановпен бірге жұмыс істеді.
Айбек Мұханов,
журналист
