Сыр өңірінде Senat Open 2026 республикалық турнирінің алғашқы кезеңі аясында шахматтан облыстық чемпионат өтті.
Шахмат тақтасында зейнеткерлер мен ардагерлер кеңесінің өкілдері бақ сынасты.
Аталмыш турнирге облыстық мәслихат депутаты Әмірбек Шаймағамбетов, мәслихат аппараты басшысының орынбасары Дінмұхамед Болатбеков қатысып, турнир қатысушыларына қолдау білдірді.
Турнир барысында депутат Әмірбек Шаймағамбетов сөз сөйлеп, қатысушыларға сәттілік тілеп, шахмат секілді зияткерлік спорт түрлерінің ойлау мәдениетін қалыптастырудағы, қоғамдағы интеллектуалдық әлеуетті арттырудағы маңызына ерекше тоқталды.
Қазақстан Парламенті Сенатының Senat Open ашық біріншілігі аясында өткен Ардагерлер санаты бойынша іріктеу турнирінде I-орын алғаны үшін газ саласының ардагері Мектепхан Елеусінов дипломмен марапатталды.
