Кімде-кім х!+1=у2 теңдеуімді шығарса, шешімін тапса, оған 2 мың доллар беремін. Мұндай есептер менде көп.
100 долларды анда-санда алып жатқандар бар, бірақ бәріне бірдей бермейміз. Есеп шығармаса, неге бересің?! Бәрі еңбекпен, өзінің ұмтылысымен алуы керек. Келесі айдан бастап 1000 емес, 2000 доллар беретін боламын. Бірақ, бұл арада бір үлкен мәселе бар. Қазір апта сайын біреулер хат жазады. Дәлірек айтқанда, ғылымнан хабары жоқ адамдар. Ешқандай дұрыс кітап оқымаған, дұрыс адаммен тілдеспеген, сөйлеспеген, жайлап айтсақ – топас. Интернеттен ана жерден, мына жерден көріп алады, бір блогердің сөзін естиді, сонан келеді да мазалай береді сондайлар. «Мен мынаны шығардым» дейді, қарасаң – қып-қызыл қате, қарапайым қате. Сосын мен ылғи айтам, «балам, сен мына екі кітапты оқы» деп кітаптың тізімін беремін.
«Сен осыны оқышы ең болмағанда. Сосын сенің басың істей бастайды. Сенің істеп отырғаның – даладағы тірлік. Сен мені мазалай берме. Менің оған уақытым жоқ. Мен саған бес рет жауап бердім. Жетеді осы!» деймін. Өкінішке қарай, осындайлар көбейіп кетті. Өйткені, менің есеп бергендегі жалғыз мақсатым – адамдардың сыни ойлау көзқарасын өзгерту. Сыни ойлау өзіңе, өзгеге, алдыңдағы еңбегіңе, ғылымға, т.б.
Жалғасы бар…
Жазып алған Рыскелді ЖАХМАН
Материалды көшіріп басуға болмайды!
Бұған дейін сайтымызда жарияланған 3 бөлімнің сілтемесі төменде:
1. Асқар Жұмаділдаев: Біреудің қолынан қой баққаннан басқа ештеңе келмейді…
2. Асқар Жұмаділдаев: «Менің екі-ақ оқырманым бар, бірі — Қасым-Жомарт Тоқаев, екіншісі — …
3. Блогер дейтін берекесіз мамандық шықты – Асқар Жұмаділдаев
