Заман өзгерді дейміз ғой. Жақсылық та бар, жамандық та. Өкінішке қарай, қазір бір блогер дейтін берекесіз мамандық шықты. Оның мақсаты – жалғыз хайп жинау. Өйткені, оның оқырманы көп болса, 1 миллион адам жинаса, оған ақша түседі. Бұрын сондай болған. Қазір оны өзгертті. Себебі, 1 миллион оқырманды жинау түкке тұрмайтын нәрсе екен. Ал енді сізге керегі – тек оқырман емес, тірі оқырман. Тірі оқырман деген не? Сіздің көрсеткен хабарыңызға нақты бір пікір жазу керек. Мынау жақсы не жаман деуі керек. Түптеп келгенде, оның ішінде бәрі бар. Сен мақтап отырсың ба, жамандап отырсың ба, оған бәрібір. Тек шу болса болды. Хайп деген сөз – шу. Жазбасы шуға ұласса, оған жарнама береді. 1 миллион оқырманның ең болмағанда он мыңы қарайды деген сөз, қалғаны – далада жүр, әшейін өтірік оқырман.
Қазір неше түрлі бизнес бар, сен айтасың, оқырманды 1 миллион қыл деп. Ақшасын берсең, 2 миллион етіп те береді. Ол – түкке тұрмайтын шаруа. Политехнология дейді оның барлығын.
Мінеки, блогердің бәрі демейміз, басым көпшілігі осындай пәтуасыз кәсіппен айналысады. Бірақ, оған сен қарсы келе алмайсың. Ол да – үлкен өнер. Демек, сен соған үйреніп, соған байланысты тірлігіңді өзің де қылуың керек. Мысалы, мен әлеуметтік желіде жоқпын. Мен фейзбукта да жоқпын, ештеңеде жоқпын. Телефонда жоқ. Себеп – осы. Өйткені, пәтуасыз тірлік, пәтуасыз өмір.
Жалғасы бар…
Жазып алған Рыскелді ЖАХМАН
Материалды көшіріп басуға болмайды!
Бұған дейін сайтымызда жарияланған 2 бөлімнің сілтемесі төменде:
1. Асқар Жұмаділдаев: Біреудің қолынан қой баққаннан басқа ештеңе келмейді…
2. Асқар Жұмаділдаев: «Менің екі-ақ оқырманым бар, бірі — Қасым-Жомарт Тоқаев, екіншісі — …
