Ресми! Виктор Кумыков "Қайсардан" кетті

Желіде бөлісу

Бұл туралы клубтың ресми парақшасы хабарлады. https://www.instagram.com/p/DRRZ3FjjH1d/?hl=ru&img_index=2

Осылайша, «Қайсар» бас бапкері Виктор Кумыковпен келісімшарт мерзімінің аяқталуына байланысты қош айтысты.

— 3 маусым қызмет атқарған жаттықтырушы Виктор Кумыковтың келісім аяқталуына байланысты «Қайсар» футбол клубындағы жұмысы тамамдалды.

Виктор мырзаның қызметіне алғыс айта отырып, алдағы бапкерлік жолына сәттілік тілейміз. Жаңа белестеріңіз жарқын болсын! — делінген клубтың ресми парақшасында.

Виктор Балютовичты Қызылорда облысы әкімінің бірінші орынбасары Данияр Жаналинов қабылдап, «Қайсардың» Премьер-лигадағы мақсатын жүзеге асырудағы еселі еңбегі үшін Сыр жұртшылығы атынан алғысын жеткізіп, облыстың ең жоғары марапаты – Қызылорда облысының Құрмет грамотасы табыстап, сый-құрмет көрсетті.

Еске салайық, Виктор Балютұлы қызылордалық ұжымды 2023 жылдан бері жаттықтырып келеді. Биылғы маусымының қорытындысымен сырбойылық команда турнир кестесінде 11-орынға жайғасты. Шыны керек, биыл тек отандық ойыншыларға иек артқан клубқа сенбегендер де көп болды. Сондай-ақ, осы жылы Қызылорданың сол жағалауынан 11 орындық «Қайсар Арена» стадионы ашылды.

30 қазанда «Қайсар» футбол клубы жекеменшікке өткен еді.

Фото: «Қайсар» футбол клубы