Мемлекет басшысы Қасым-Жомарт Тоқаевтың тапсырмасына сәйкес, еліміздің барлық білім беру ұйымдарында «Адал азамат» біртұтас тәрбие бағдарламасы қарқынды іске асырылуда.
Қазіргі таңда білім беру ұйымдарындағы тәрбие жұмыстары жүйеленіп, балалар арасында жалпыадамзаттық және ұлттық құндылықтарды дәріптеуге бағытталған нақты бетбұрыс жасалды. Бұл бастама жас ұрпақтың санасына отаншылдық, бірлік, әділдік, заң мен тәртіп, еңбекқорлық және жасампаздық сияқты іргелі құндылықтарды сіңіруді көздейді. Бағдарлама оқу мен тәрбие процесін біртұтас жүйеге біріктіре отырып, оқушылардың азаматтық жауапкершілігі мен өмірлік маңызды құзыреттерін дамытуға бағытталған.
«Адал азамат» біртұтас тәрбие бағдарламасы аясында «Заң және тәртіп», «Еңбек адамы» және «Таза Қазақстан» идеяларын ілгерілетуге ерекше назар аударылып отыр.
Бағдарламаның ерекшелігі де озық дамыған мемлекет құру өскелең ұрпаққа тікелей байланысты екендігіне назарға алсақ, ұлттың жаңа келбетін қалыптастыратын бала тәрбиесіндегі басты 6 бағыт-бағдар ретінде айқындалып берілді.
Осы бағытта сыныптан тыс жұмыстар шеңберінде «Қамқор», «Еңбегі адал жас өрен», «Шабыт», «Ұшқыр ой алаңы», «Smart bala», «Балалар кітапханасы» әлеуметтік жобалары назарға алынып 75-тен астам шаралар өткізіліп 500-ден астам оқушылар қамтылды.
Мектеп оқушылары арасында «Жасөспірім және Заң», «Лудомания-болашақтың дерті» құқықтық сауаттылықты қалыптастыру мақсатында дебат қозғалысы, психолог сағаттары, семинар-тренингтер өткізілді. Құқық бұзушылық алдын алу және буллинг, кибербуллинг, зорлық – зомбылыққа қарсы жоспарлы 52 іс-шара дөңгелек үстел, сыныптан тыс тәрбие сағаттары, кездесулер өткізіліп 500-ден астам оқушы қамтылды.
Білім алушылардың қауіпсіздігін қамтамасыз ету басты мәселе. Осы орайда Қазақстан Республикасының білім беру саласындағы қызметті жүзеге асыратын террористік тұрғыдан осал объектілерінің терроризмге қарсы қорғалуын ұйымдастыру жөніндегі нұсқаулықты бекіту туралы Қазақстан Республикасы Білім және ғылым министрінің 2022 жылғы 30 наурыздағы № 117 бұйрығына сәйкес тиісті жұмыстар атқарылып, оқу – жаттығу іс-шаралары өткізілді.
Бүгінгі күні жас ұрпақтың сапалы білім алып, тәрбиелі, жан-жақты дамыған тұлға болып қалыптасуы жолында қосымша білім беру ұйымдарының алатын орны ерекше. 2025-2026 оқу жылы №105 мектеп – лицейінің ұжымы үшін де табыстарға толы жыл болды. Атап айтқанда 11 сыныпты 43 мектеп түлегі аяқтаса, оның ішінде 4-і «Алтын белгі» бітіріп, 6-ы «Үздік Аттестат» иеленді. Сонымен бірге А.Жанпейісов атындағы №105 мектеп – лицейінде Ұлы Отан соғысының ардагері Үсен Қошалақов атындағы математикадан олимпиада дәстүрлі түрде өткізілуде. Аталған білім бәйгесінде оқушыларымыз алдыңғы қатардан көрініп келеді.
2025-2026 оқу жылында олимпиадалар мен ғылыми жоба байқауларына, спорттық жарыстарға қатысып жүлделі орындарды иелеген шәкірттеріміз биік нәтижелерге қол жеткізді. Бұл дегеніміз ұжымның табысты әрі қажырлы еңбегінің нәтижесі деп есептейміз.
Жаңа оқу жылында №105 мектеп – лицейінде 2-і мектеп алды даярлық сыныптарында және 1-11 сыныптар бойынша 28 сынып комплектісінде барлығы 520 оқушы оқу білім алады.
Ұлттық құндылықтарға негізделген үйірме сабақтары мен шеберлік сағаттары білім алушылардың шығармашылық қабілетінің дамуына, кәсіптік бейімділігін қалыптастыруға және іскерліктері мен дағдыларын толықтай көрсетуге мүмкіндік берді.
Кәмелетке толмағандардың құқықтарының бұзылмауын және олармен жүргізіліп жатқан профилактикалық іс-шаралардың тиісті деңгейде жүргізілуін қатаң бақылауға алып, бұл бағытта салааралық бақылауды одан әрі күшейтіледі. Бұл стратегиялық бағыттар жастардың құқықтық санасын нығайтып, еңбекке деген құрметін арттыруға және экологиялық мәдениетін қалыптастыруға тікелей ықпал етеді. Бағдарламаның тиімділігін арттыру мақсатында мемлекеттік органды қамтитын бірлескен іс-шаралар жоспары қабылданып, жүйелі жұмыс жолға қойылды.
Жыл басынан бері түнгі рейдтерге жауапты органдармен қатар, ата-аналар тартылып, құқық бұзушылықтың алдын алу рейдтік шаралары ұйымдастырылды.
Түнгі рейдтер барысында мектепішілік ішкі есепте тұрған оқушылардың үйлері араланып, ата-аналарымен сұхбаттасу барысында оқушылардың тұрмыстық жағдайларымен танысу арқылы мекен-жайлық әлеуметтік психологиялық көмектер беріліп отыр. Барлық оқушылар зерттеліп, ата-аналарымен сөйлесіп, назарға алынды.
Құқық бұзушылықтың, жасөспірімдердің өмір қауіпсіздігін бақылау мақсатында арнайы чат ашылып, чатқа күн сайын кезекшілік ақпараты беріліп, әлеуметтік желіге де жарияланып тұрады. Тәртібі нашар оқушылардың тізімі жинақталып, бала психологиясын толық зерттеу, баланың қайда жүретінін, немен айналысатыны зерттеліп, жұмыстар жүргізіліп бақыланды. Оқушылардың жолдағы қауіпсіздігін қамтамасыз ету мақсатында мектептерде «Назар аударыңыз балалар!» профилактикалық іс-шарасы өткізілді. Қылмыстық қол сұғушылықтардың алдын алу мақсатында «Жасөспірім» республикалық жедел-профилактикалық іс-шарасы аясында «Ұрпақ тәрбиесі- ұлт болашағы» тақырыбында ата-аналарымен жиын өткізілді.
Сонымен қатар, баланың жеке қабілетін ашып, шығармашылық әлеуетін арттыруда қосымша білім беру саласына басымдық берілуде.
Бүгінде үйірмелер мен секциялар желісі айтарлықтай кеңейіп, балалардың бос уақытын мазмұнды өткізуіне толық жағдай жасалуда. Сала сапасын жақсарту үшін материалдық-техникалық база нығайтылып, педагогтердің біліктілігін көтеру және ауыл мен қала арасындағы білім беру алшақтығын қысқарту бойынша нақты шаралар қабылданып жатыр.
Бұл кешенді жұмыстар алдағы уақытта да өз жалғасын тауып, мемлекетіміздің дамуына үлес қосатын саналы әрі жауапты азаматтарды тәрбиелеудің берік негізіне айналмақ.
«Адал азамат» тұжырымдамасы мен заманауи қосымша білім беру жүйесінің ұштасуы — бәсекеге қабілетті тұлға қалыптастырудың басты кепілі болмақ.
Айбол ҚОЗЫБАҚОВ,
№105 мектеп-лицейінің тәрбие ісі жөніндегі орынбасары,
Қармақшы ауданы
