Қызылорда қаласындағы «Болашақ» университеті 2026-2027 оқу жылына талапкерлерді бакалавриат және магистратура білім беру бағдарламалары бойынша оқуға қабылдайды.
Қызылорда «Болашақ» университеті 1995 жылы Мәскеу Халықаралық бизнес және ақпараттық технологиялар Университетінің Қызылорда филиалы ретінде ашылды. Ал, 1999 жылы филиал дербес жоғары оқу орны – Қызылорда экономика, статистика және информатика Университеті болып қайта құрылып, орта, жоғары, жоғары білімнен кейін және қосымша білім беру бағдарламалары бойынша мемлекеттік лицензияға сәйкес жұмысын бастады. 2001 жылы университет «Болашақ» Университеті болып қайта құрылды.
Білім беру бағдарламалары «Қазақстан Республикасы Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті» республикалық мемлекеттік мекемесі берген 25.07.2022 жылғы №KZ91LAA00032513 мемлекеттік лицензиясы негізінде жүзеге асырылады. Лицензияның қолданылу мерзімі шектеусіз.
Қызылорда «Болашақ» университеті – білім алушылардың оқу процесін, бос уақытын дұрыс ұйымдастыру үшін қажетті жағдайларды қамтамасыз ететін дамыған инфрақұрылымы бар жоғары оқу орны. «Болашақ» университетінің материалдық-техникалық базасы заман талабына толық сай келеді. Студенттердің сапалы білім алып, жан-жақты дамуына қолайлы жағдай жасалған.
Университет инфрақұрылымына жалпы ауданы 21 000 шаршы метрді құрайтын 14 қабатты оқу кампусы, 300 орындық асхана, 200 орындық кітапхананың оқу залы, заманауи спорт-сауықтыру кешені, мәдени-көпшілік іс-шараларға арналған 500 орындық атриум зал, жалпы сыйымдылығы 800 орындық екі студенттер жатақханасы, екі қысқы бақ және аумағы 1 гектарды қамтитын, 8 блоктан тұратын 4 орталық жылыжай кешені кіреді. 2026 жылы 1200 орындық «Болашақ холл» Студенттер Сарайы пайдалануға берілді.
Университет құрамында 2 жоғары мектеп пен 8 кафедра жұмыс істейді. Университетте бакалавриаттың 32 және магистратураның 9 білім беру бағдарламасы бойынша мемлекеттік тапсырыс және ақылы негізде мамандар даярланады.
Бакалавриат білім беру бағдарламалары:
| Білім беру бағдарламалары топтарының атауы | Білім беру бағдарламасының коды | Білім беру бағдарламасының атауы |
| В001-Педагогика және психология | 6В01101 | Педагогика және психология |
| В002-Мектепке дейінгі оқыту және тәрбиелеу | 6В01201 | Мектепке дейінгі оқыту және тәрбиелеу |
| В003-Бастауыш оқытудың педагогикасы мен әдістемесі | 6В01303 | Бастауыш оқытудың педагогикасы мен әдістемесі |
| В004-Бастапқы әскери дайындық мұғалімдерін даярлау | 6В01403 | Бастапқы әскери дайындық |
| В005-Дене шынықтыру мұғалімдерін даярлау | 6В01404 | Дене шынықтыру және спорт |
| В006-Музыка мұғалімдерін даярлау | 6В01405 | Музыкалық білім |
| В009-Математика мұғалімдерін даярлау | 6В01503 | Математика |
| В011-Информатика мұғалімдерін даярлау | 6В01504 | Информатика |
| В013-Биология мұғалімдерін даярлау | 6В01501 | Биология |
| В014-География мұғалімдерін даярлау | 6В01502 | География |
| В015-Гуманитарлық пәндер бойынша мұғалімдерді даярлау | 6В01601 | Тарих |
| В016-Қазақ тілі мен әдебиеті мұғалімдерін даярлау | 6В01701 | Қазақ тілі мен әдебиеті |
| В017-Орыс тілі мен әдебиеті мұғалімдерін даярлау | 6В01702 | Орыс тілінде оқытпайтын мектептердегі орыс тілі мен әдебиеті |
| В018-Шет тілі мұғалімдерін даярлау | 6В01703 | Шетел тілі: екі шетел тілі |
| В020-Арнайы педагогика мамандарын даярлау | 6В01901 | Арнайы педагогика |
| 6B01902 | Логопедия | |
| В031-Сән, дизайн | 6B02102 | Дизайн |
| В042-Журналистика және репортер ісі | 6B03201 | Журналистика |
| В043-Кітапхана ісі, ақпаратты өңдеу және мұрағат ісі | 6B03203 | Кітапхана ісі |
| В044-Менеджмент және басқару | 6B04102 | Экономика |
| 6B04104 | Мемлекеттік және жергілікті басқару | |
| В045/Аудит және салық салу | 6B04101 | Есеп және аудит |
| В046-Қаржы, экономика, банк және сақтандыру ісі | 6B04103 | Қаржы |
| В049-Құқық | 6B04201 | Құқықтану |
| 6B04203 | Құқық қорғау қызметі | |
| В051-Қоршаған орта | 6B05201 | Экология |
| В057-Ақпараттық технологиялар | 6B06102 | Ақпараттық жүйелер |
| 6B06101 | Есептеу техникасы және бағдарламалық қамтамасыз ету | |
| В062-Электр техникасы және энергетика | 6B07102 | Электр энергетикасы |
| В271 -Мұнай-газ ісі | 6B07202 | Мұнай-газ ісі |
| В074-Қала құрылысы, құрылыс жұмыстары және азаматтық құрылыс | 6B07301 | Құрылыс |
| В095-Көлік қызметі | 6B11301 | Көлікті пайдалану және жүк қозғалысы мен тасымалдауды ұйымдастыру (теміржол көлігі) |
Ғылыми-педагогикалық бағыттағы магистратура білім беру бағдарламалары:
| 7М01-Педагогикалық ғылымдар | M001-Педагогика және психология | 7M01101 Педагогика және психология |
| M003-Пәндік мамандандырусыз педагогтарды даярлау | 7М01301 Бастауышо қыту педагогикасы мен әдістемесі | |
| M016-Тарих мұғалімдерін даярлау | 7М01601 Тарих | |
| M017-Қазақ тілі мен әдебиеті мұғалімдерін даярлау | 7М01701 Қазақ тілі мен әдебиеті | |
| M018-Орыс тілі мен әдебиеті мұғалімдерін даярлау | 7M01705 Орыс тілінде оқытпайтын мектептердегі орыс тілі мен әдебиеті | |
| M019-Шет тілі мұғалімдерін даярлау | 7M01703 Шетел тілі: екі шетел тілі | |
| 7М04-Бизнес, басқару және құқық | М070-Экономика | 7М04101 Экономика |
| M071-Мемлекеттік және жергілікті басқару | 7M04104 Мемлекеттік және жергілікті басқару | |
| M073-Аудит және салық салу | 7M04103 Есеп және аудит |
Ақылы негізде оқитын білім алушыларға оқу ақысына келесі жеңілдіктер қарастырылған:
— 20% (жиырма пайыз) жеңілдік – бір отбасынан екі немесе одан да көп білім алушы оқыса, білім алушылардың әрқайсысына, ІІІ топ мүгедектігі бар білім алушыларға;
— 20% (жиырма пайыз) жеңілдік – М.Мәметова атындағы Қызылорда педагогикалық жоғары колледжі және И.Әбдікәрімов атындағы Қызылорда аграрлық техникалық жоғары колледжі түлектеріне;
— 20% (жиырма пайыз) жеңілдік – әскери борышын өткергеніне екі жыл толмаған талапкерлерге;
— 30% (отыз пайыз) жеңілдік – спорт түрлерінен Қазақстан чемпиондарына, ІІ топ мүгедектігі бар білім алушыларға;
— 30% (отыз пайыз) жеңілдік – «Болашақ» университетінің жоғары колледждерінің түлектеріне (өз мамандықтарына сәйкес келетін мамандықтар жіктеуішісіне сәйкес оқуын жалғастырған жағдайда);
— 40% (қырық пайыз) жеңілдік – үздік аттестат иегерлеріне, ҰБТ нәтижесінде 100 балл жинаған түлектерге, спорт түрлерінен Азия чемпиондарына;
— 50% (елу пайыз) жеңілдік – «Алтын белгі» иегерлеріне, тұл жетім және ата-анасының қамқорынсыз қалған білім алушыларға, спорт түрлерінен әлем чемпиондарына, І топ мүгедегі бар білім алушыларға;
— 20% (жиырма пайыз) жеңілдік – университеттің қоғамдық жұмыстарына белсене араласып жүрген білім алушыларға.
2026-2027 оқу жылына талапкерлерді қабылдау 20 маусым мен 25 тамыз аралығында жүргізіледі.
Қажетті құжаттар:
- Оқуға қабылдау туралы өтініш;
- Білім туралы құжаттың (аттестат немесе диплом қосымшасымен) түпнұсқасы;
- Жеке басын куәландыратын құжат;
- 3х4 өлшеміндегі фотосурет 6 дана;
- ҰБТ сертификаты;
- Жеңілдікті растайтын құжаттар (бар болған жағдайда);
- №075-У медициналық анықтама.
Сіздердің назарларыңызға талапкерге арналған күнтізбені ұсынамыз!
— ЖОО-ға құжаттарды қабылдау 20 маусым – 25 тамыз;
— «Педагогикалық ғылымдар» және «Денсаулық сақтау» мамандықтарына түсушілер үшін арнайы емтихандар 20 маусым – 20 тамыз аралығында (конкурсқа қатысу үшін 20 шілдеге дейін өткізіледі);
— Шығармашылық емтихандарға қатысу үшін өтініштер 20 маусым – 10 тамыз (конкурсқа қатысу үшін 7 шілдеге дейін) аралығында қабылданады;
— Шығармашылық емтихандар 7 шілде – 15 тамыз (конкурсқа қатысу үшін 20 шілдеге дейін) аралығында өтеді;
— Білім беру гранттары конкурсына қатысуға өтініштер 13 шілде – 20 шілде аралығында қабылданады;
— Грант иегерлерінің тізімі 10 тамызға дейін жарияланады.
Қосымша ақпаратты ЖОО ресми парақшалары мен bolashak-edu.kz сайтынан ала аласыздар.
Қызылорда «Болашақ» университетінің әлеуметтік желідегі парақшалары:
8 705 421 77 81, 8 707 270 05 75, 8 708 234 22 94
Қабылдау комиссиясының мекенжайы: Қызылорда қаласы, Сырдария өзенінің сол жағалауы, 115 ғимарат
Қызылорда «Болашақ» университеті – сапалы білім, заманауи инфрақұрылым және кәсіби дамуға кең мүмкіндік ұсынатын жоғары оқу орны.
Университет талапкерлерді болашағына сенімді қадам жасауға шақырады.
Оқи отырыңыз:
