«Болашақ» университетінің жоғары колледжі — білім нарығында 25 жылдан астам тарихы бар білім ордасы. Колледж Қазақстан Республикасы Оқу-ағарту министрлігі Білім саласында сапаны қамтамасыз ету комитетінің Қызылорда облысының білім саласында сапаны қамтамасыз ету департаментінің 27.02.2025 жылғы №KZ44LAM00001153 нөмірлі мемлекеттік лицензиясымен жұмыс істейді. Қазіргі уақытта «Болашақ» университетінің жоғары колледжі 34 мамандық, 56 біліктілік бойынша білікті мамандар даярлайды. Колледжде 1000-нан аса білім алушы білім алады.
«Болашақ» университетінің жоғары колледжінің оқытушыларының алдына қойылған міндеттердің бірі – оқыту әдістері мен тәсілдерін ұдайы жетілдіру және заманауи педагогикалық технологияларды сабақ процесінде, іс-шараларда жүйелі түрде қолдану жолға қойылған. Колледжде 3 ғылым кандидаты, 35-ке жуық ғылым магистрі, 16 педагог-модератор, 5 педагог-сарапшы, 10 педагог-зерттеуші оқытушы білім береді.
Колледж оқытушыларының шығармашылық мүмкіндігін дамыту факторы ретінде, білім беру үрдісі сапасын арттыруға мүмкіндік жасайтын кәсіби құзырлықты арттыру мен ұстаздық шеберліктің өсуі үшін жағдайлар жасауға бағытталған. Колледж заманауи материалдық-техникалық оқу аудиториялары мен зертханалармен, шеберханалармен жабдықталған. 500 орындық студенттерге арналған жатақхана, озық үлгіде жабдықталған спорт кешені, 1200 орындық студенттер сарайы бар.
«Болашақ» университетінің жоғары колледжі 9-11-сынып негізінде мемлекеттік тапсырыс (грант) және ақылы негізде білім алушыларға білім береді. Ақылы негізде оқитын білім алушылар жылына 200 мың теңге төлеп білім алады және білім алушыларға оқу ақысына жеңілдіктер қарастырылған.
Атап айтқанда:
- 20% (жиырма пайыз) жеңілдік – бір отбасынан екі немесе одан да көп білім алушы оқыса (білім алушылардың әрқайсысына);
- 20% (жиырма пайыз) жеңілдік – мүмкіндігі шектеулі білім алушыға (І, ІІ, ІІІ – топ);
- 50% (елу пайыз) жеңілдік – спорт түрлерінен Қазақстан, Азия және Әлем чемпиондарына;
- 100% (жүз пайыз) жеңілдік – тұл жетім білім алушыға;
Оқу орнының заманауи үлгіде жабдықталған жатақханасына ай сайын 3000 теңге төлеп орналасуға болады.
2026-2027 оқу жылына мемлекеттік тапсырыс (грант) негізінде 9-сыныптан келесі мамандықтар бойынша конкурсқа талапкерлерді қабылдайды:
| р/с | Мамандық атауы, коды | Біліктілік атауы, коды | 9-сынып |
| 1 | 06130100 Бағдарламалық қамтамасыз ету (түрлері бойынша) | 4S06130105 Ақпараттық жүйелер технигі | 25 |
| 4S06130103 Бағдарламалық қамтамасыздандыруды құрастырушысы | 25 | ||
| 2 | 02110300 Графикалық және мультимедиялық дизайн | 4S02110304 Графикалық дизайнер | 50 |
| 3 | 10320200 Төтенше жағдайда қорғау (салалар бойынша) | 4S10320205 Техник | 25 |
| 4 | 05320200 Пайдалы қазба кен орындарын іздеу мен барлаудың технологиясы мен техникасы | 4S05320203 Техник | 25 |
| 5 | 07240700 Мұнай және газ ұңғымаларын бұрғылау және бұрғылау жұмыстарының технологиясы | 4S07240702 Техник-технолог | 20 |
| 6 | 07130200 Электрмен қамтамасыз ету (салалар бойынша) | 4S07130202 Техник-электрик | 25 |
| 7 | 07160100 Радиоэлектронды көлік жабдықтарын пайдалану және техникалық қызмет көрсету (көлік түрлері бойынша) | 4S07160101 Радиоэлектронды жабдықтарды пайдалану және жөндеу жөніндегі техник | 25 |
| 8 | 07161300 Автомобиль көлігіне техникалық қызмет көрсету, жөндеу және пайдалану | 4S07161304 Техник-механик | 25 |
| 9 | 07320100 Ғимараттар мен құрылыстарды салу және пайдалану | 4S07320106 Техник-құрылысшы | 25 |
| 10 | 10120100 Шаштараз өнері | 3W10120101 Шаштараз стилисті | 25 |
| 11 | 07240900 Мұнай және газ кен орындарын пайдалану | 4S07240902 Техник-технолог | 25 |
Сонымен қатар, ақылы негізде 9-11-сыныптан төмендегі мамандықтар бойынша ақылы негізде оқуға қабылдайды:
| р/с | Мамандық атауы, коды | Біліктілік атауы, коды | Сыныбы | Оқу ақысы |
| 1 | 06130100 Бағдарламалық қамтамасыз ету (түрлері бойынша) | 4S06130105 Ақпараттық жүйелер технигі | 9-11-сынып | 200 мың |
| 2 | 01140100 Бастауыш білім беру педагогикасы мен әдістемесі | 4S01140101 Бастауыш білім беру мұғалімі | 9-11-сынып | 200 мың |
| 3 | 01120100 Мектепке дейінгі тәрбие және оқыту | 4S01120102 Мектепке дейінгі тәрбие мен оқыту ұйымдарының тәрбиешісі | 9-11-сынып | 200 мың |
| 4 | 01140600 Негізгі орта білім берудегі тіл мен әдебиетті оқытудың педагогикасы мен әдістемесі | 4S01140605 Шетел тілі мұғалімі | 9-11-сынып | 200 мың |
| 4S01140601 Қазақ тілі мен әдебиеті мұғалімі | 9-сынып | 200 мың | ||
| 5 | 01140500 Дене тәрбиесі және спорт | 4S01140501 Дене тәрбиесі мұғалімі | 9-11-сынып | 200 мың |
| 6 | 10410300 Автомобиль көлігінде тасымалдауды ұйымдастыру және қозғалысты басқару | 4S10410302 Техник | 11-сынып | 200 мың |
| 7 | 04210100 Құқықтану | 4S04210101 Заңгер | 9-11-сынып | 200 мың |
| 8 | 02110300 Графикалық және мультимедиялық дизайн | 4S02110304 Графикалық дизайнер | 9-11-сынып | 200 мың |
| 9 | 10320200 Төтенше жағдайда қорғау (салалар бойынша) | 4S10320205 Техник | 9-11-сынып | 200 мың |
| 10 | 07240700 Мұнай және газ ұңғымаларын бұрғылау және бұрғылау жұмыстарының технологиясы | 4S07240702 Техник-технолог | 9-11-сынып | 200 мың |
| 11 | 07160100 Радиоэлектронды көлік жабдықтарын пайдалану және техникалық қызмет көрсету (көлік түрлері бойынша) | 4S07160101 Радиоэлектронды жабдықтарды пайдалану және жөндеу жөніндегі техник | 9-11-сынып | 200 мың |
| 12 | 07161300 Автомобиль көлігіне техникалық қызмет көрсету, жөндеу және пайдалану | 4S07161304 Техник-механик | 9-11-сынып | 200 мың |
| 13 | 07320100 Ғимараттар мен құрылыстарды салу және пайдалану | 4S07320106 Техник-құрылысшы | 9-11-сынып | 200 мың |
| 14 | 10120100 Шаштараз өнері | 3W10120101 Шаштараз стилисті | 9-11-сынып | 200 мың |
Қажетті құжаттар:
- Оқуға қабылдау туралы өтініш;
- Білім туралы құжаттың (аттестат немесе куәлік) түпнұсқасы;
- №075-У нысаны бойынша медициналық анықтама;
- Жеке басын куәландыратын құжат немесе туу туралы құжат (салыстыру үшін);
- 3х4 форматтағы 4 дана фото;
- Жеңілдікті растайтын құжаттар;
- Заңды өкілдің ЭЦҚ кілті.
«Болашақ» университеті жоғары колледжінің әлеуметтік желідегі ресми парақшасы.
