Күн мен түнді теңгерген –
Наурызда далам жайнасын!
Гүл-бәйшешек бүр ашып,
Орманда құстар сайрасын!
Қыз-бозбала асыр сап,
Мәз-мейрам боп ойнасын.
«Наурыз көже» таратып,
Халқым оны тойласын!
Жылда бізге бұл мейрам –
Құт-береке сыйласын!
Қулық, сұмдық азайып,
Адалдық жолы оң болсын!
Рухты ел болуға –
Талабымыз зор болсын!
Ұлыстың Ұлы мейрамы –
Алып келсін береке!
Табысқа табыс қосылып,
Бола берсін мереке! Әумин!
Сәдуақас АҢСАТ,
тіл жанашыры
