Шиелі ауданында «Бақытты отбасы» партиялық жобасы аясында «Иіркөл» бастауыш партия ұйымының ұйымдастыруымен «Тәрбие тал бесіктен» атты дөңгелек үстел өткізілді. Шара отбасылық құндылықтарды насихаттау, баланың дұрыс тәрбиеленуін қамтамасыз ету және заманауи қоғамда отбасының рөлін арттыруға бағытталды.
Дөңгелек үстелге аудандық партия филиалының мүшелері, педагогтар, әлеуметтік қызметкерлер және ата-аналар қатысты. Кездесу барысында қатысушыларға балаларды тәрбиелеудің маңызды аспектілері, отбасының қоғамдағы рөлі, заманауи тәрбиелік әдістер және ата-ана мен бала арасындағы өзара түсіністік мәселелері жан-жақты түсіндірілді.
Шара барысында спикерлер балаларды жақсы тәрбиелеу тек мектеп пен мұғалімнің міндеті ғана емес, сонымен қатар әр отбасының басты жауапкершілігі екенін атап өтті. Сондай-ақ, ата-ана мен қоғам арасындағы ынтымақтастықтың маңыздылығы, жас ұрпаққа ұлттық дәстүрлерді, мәдени құндылықтарды сіңіру жолдары қарастырылды. Дөңгелек үстел барысында қатысушылар өз тәжірибелерімен бөлісіп, практикалық кеңестер мен ұсыныстарын ортаға салды. Шара соңында ұйымдастырушылар отбасының қоғамдағы рөлін күшейту және баланы дұрыс тәрбиелеуге бағытталған осындай кездесулердің алдағы уақытта да жалғасатынын хабарлады.
Бұл іс-шара «Бақытты отбасы» жобасының негізгі мақсаттарын – отбасының берекесін арттыру, балаларға сапалы тәрбие беру және қоғамдағы үйлесімділік қағидаттарын насихаттау бағытында ұйымдастырылған маңызды іс-шара болып отыр.
