Ем дом дәрімен, отамен ғана жасалады деп ойлаймыз. Алайда «Су Джок» массажы маманы, «Әбдірахман» массаж орталығының жетекшісі Руслан Ибраев көптеген ауруды массажбен, оның ішінде нүктелі массажбен емдеп жазуға болады дейді. Бұл ем-домды Сыр өңірінде дамыту үшін мемлекеттік грантқа қатысып, не түрлі мамандар алдында дәлелдеп, тыңнан түрен салып ең алғаш болып алып келді. Қазірде өз нәтижесін беріп, елдің алғысына бөлене бастады. Бірінші байлық денсаулық десек, сол денсаулықты нығайтуға қызмет жасап жатқан маманмен жұмысы жайлы неге айтпасқа.
– Руслан мырза, «Су Джок» массажына қалай келдіңіз, бұл жассаж қандай аурудың алдын алады?
– Мен 2006 жылы «Болашақ» университетіне оқуға түсіп, оны 2010 жылы қазақ филологиясы мамандығын бітірдім. Университетте оқып жүргенде, 2008-2009 жылдары сырттан қонақтар келіп, кореялық «Су Джок» массажы туралы лекция оқып кетті. Осы массажға қызығып, оны екі ай оқыдым. Адамның денсаулығы табан мен алақанда дегенде таңғалдым. 2020 жылы анам инсульт алды. Соны бірінші Алланың арқасында, екінші «Су Джок» массажымен тұрғыздым. Содан бастап осы массаж саласын толық меңгеруге кірістім. Бүгінгі таңда «Су Джок» массажы және «Су Джок» денеміздің кішігірім бөлшегі» атты зерттеу кітаптарым шықты. Жалпы «Су Джок» терапиясы 136 ауруға ем екен.
Бір жылда 365 күн болса адам денесінде 365 нүкте болады. 12 ай болса, адам денесінде 12 маңызды сызықтар болады. Бір жылда төрт мезгіл болса, адам денесінің төрт жерінде әлсіз қан тамырлары бар. Мысалы бастағы қан тамырлар жарылса, адам инсульт, жүректегі қан тамырлары жарылса, инфаркт, көздің қан тамырлары жарылса, адам зағип болып қалады. Ал мұрындағы тамыр жарылса, ол жақсы. Бұған шүкір деу керек. 2021 жылы 1-30 тамыз аралығында Алматы қаласында М.Берикова деген кісіден балалар массаж курсын оқып алдым. Бүгінгі таңда балалар мен ересек кісілерге ем жасаймын. Қазіргі таңда аяқ ауруы, инсульт, панкратия (ұйқының бұзылуы), аяқтың үнемі мұздап жүруі, варус, вальгус, белдің ауруы, асқазан-ішек патологиясы, саусақ артрозы ауруларына қатысты массаждарды жасаймын.
– Су джок, тікелей аудармасы және осы массаж емі жайлы айтсаңыз.
– «Су» алақан «Джок» табан. Алақан, табан нерв нүктелері арқылы әсер ету деген сөз.
Аяққа күні бойы күш түсетіндіктен қатты шаршайды. Кешқұрым уақытта. Әсіресе, биік өкшелі аяқ киімді ұнататын әйелдер қауымы аяқ шаршауынан зардап шегеді. «Су Джок» массажы бүкіл организмге пайдалы. Табанның ұлтандық бетінде адамның жалпы күйіне рефлексті әсер ететін мыңдаған жүйке ұштары бар.
Рефлексология осыдан басталады. Табан массажынан кейін бүкіл ішкі мүшелер мен жүйелердің қызмет тиімділігі жоғарылайды, аяқ ісігі тез кетіп, тек қана аяқта емес, бүкіл организмде ерекше жеңілдік пайда болады, жалпы хал-жай жақсарып, дұрыс ұйқы пайда болады. Табан массажының эстетикалық әсері де бар, оны тұрақты түрде қолданғанда аяқтың ісінуі азайып, жеңілдік сезіледі. Бұл нүктелердің массажы көзге, естуге, мұрын қуыстарына, сүйекке, буынға, т.б. сергітетін әсер тигізеді.
Аяқтарда орналасқан жүйкелер сауығудың маңызды құралы. Қиыр шығыстық медицинада табан және саусақ массажы панацея (барлық аурудан құтқаратын әмбебап дәрі) деп саналады. Мұндай процедураны кешке жасай отырып, күш ағынын сезінумен қатар, түнгі ұйқыда толыққанды демаласыз және таңертең сергек оянасыз. Бұл тек қана пайдалы терапия емес, ол жанға өте жағымды терапия.
– Мысалы біреуін айтыңызшы…
– Мысалы десеңіз, аллергиялық дерматит. Бұл экзема «Су Джок» үшін терапия бас бармақтың тырнақ фалангасында да жүргізіледі. Егер аллергия жергілікті реакциялармен (есекжеммен) көрінсе, онда емдеу үшін стандартты сәйкестік жүйесі бойынша аймақ таңдалады. Аллергия үшін қолдың бас бармағы мен сұқ саусағының арасындағы тері қоймасында орналасқан ваннаға 2-3 минут басу пайдалы. 30-40 минуттан кейін бұл нүктенің массажын қайталауға болады. «Су Джок» терапиясы бұл проблеманы жеңе алады. Бұл потенциалды қалпына келтіруге және байланысты мазасыздықты, тітіркенуді жоюға көмектеседі. Қолдар мен аяқтардың биологиялық белсенді нүктелері мен рефлексогендік аймақтарына әсер ету әртүрлі тәсілдермен жүзеге асырылады. Бұл нүктелер мен аймақтар гипофизге, жыныс мүшелеріне, бүйрек үсті бездеріне, бүйректерге, кіндік аймағына және белге сәйкес келеді.
– Қандай уақыттарда жасаған дұрыс?
– Егер сіз «Су Джок» терапиясын күнделікті, әсіресе кешке жасасаңыз, онда сіздің көңіл-күйіңіз жақсарады және ұйқы қалыпқа келеді. Жұмыс күнінің соңында адамдар қатты шаршайды. Бірте-бірте ол жинақталады және өнімділіктің төмендеуіне, мүдделер шеңберінің тарылуына әкеледі. Шаршаудан құтылу үшін «Су Джок» терапиясын жасауға болады.
Жалпы бір сағат табан массажын алсаңыз, сіз бұлшықеттерді босаңсытасыз, аяқтың белсенді нүктелерін басып, аурудан айығуға көмектесесіз және де стрессті жеңілдетесіз.
– Аллергия көбінесе неден бұзылады?
– Аллергия көбінесе иммундық жүйенің бұзылуымен байланысты, яғни ағзадағы реттеудің бұзылуы. Бұл жағдайда «Су Джок» терапиясын да қолдануға болады. Бұл аллергиялық реакцияларды азайтуға көмектеседі және кейбір жағдайларда оларды толығымен жояды. «Су Джок» терапиясының әртүрлі әдістерімен әсер бауыр мен өт қабының проекциясы аймақтарында (алақанның жоғарғы бөлігі сұқ саусақ пен ортаңғы саусақтың түбінде), асқазан мен ұйқы безінде (алақанның жоғарғы бөлігінде кішкентай саусақ пен сақина саусағының түбінде), ішекте (алақанның түбінде) қолдар мен аяқтарда жүзеге асырылады.
– Әсері, пайдасы жайлы айтсаңыз.
– «Су Джок» терапиясының әмбебаптығы – адамның қолдары мен аяқтарында дененің барлық бөліктері мен мүшелерінің ерекше нүктелік проекциялары болғандықтан, «Су Джок» терапиясының әдісін бүкіл денені, оның әрбір мүшесін және жүйесін емдеу үшін шектеусіз қолдануға болады. Емдеу шараларының жеделдігі-сіз қиын жағдайға тап болсаңыз, жақын арада сізге жоғары білікті медициналық көмек көрсетілетініне сене алмайсыз, қолыңызда сіздің жағдайыңызды жеңілдететін таблеткалар мен басқа да дәрі-дәрмектер жоқ кезде сізге «Су Джок» терапиясының әдістері сіздің жағдайыңызды бірден жеңілдетеді, ауырған ошақты жансыздандырады.
– «Су Джок» терапиясының жоғары тиімділігі қандай?
– «Су Джок» терапиясын өз тәжірибесінде бастан өткергендер айтқандай, сеанс басталғаннан кейін бірнеше минуттан кейін жеңілдік пайда болады. Тұрақты сеанстар курсынан кейін емдеу басталады, аурудың белгілері толығымен жоғалады және науқастың жалпы жағдайы жақсарады.
– Мемлекеттік грант ұтып алдыңыз. Оған қандай құрылғылар алдыңыз?
– Олар – массаж креслосы, «Ба Гуа» саунасы, аяқ массажеры, қол проекторы және ИМ 200 массажерлары. Бүгінде «Су Джок» нүктелі табан массажын жасап жүрмін. Өйткені бар нүкте табанда орналасқан. Бұл массажбен көптеген науқас түрлерін (ауруларды) дәрісіз-ақ емдеуге болады. Аяғы үнемі мұздап жүретін, сондай-ақ маймақ, майтабан, артрит, артроз, тұтықпа, инсульт, паралич алған адамдарға жасаймын.
– Уақыт бөліп сұхбаттасқаныңызға рахмет.
Қанжар МЫРҚЫ
