«Қайсар» футбол клубы тәжірибелі жартылай қорғаушы Виктор Мозеспен келісімшартқа қол қойғанын ресми түрде хабарлайды.
Нигерия құрамасының бұрынғы ойыншысы жаңа маусымда қызылордалық клубтың намысын қорғайды.
Виктор Мозес Еуропаның бірқатар алпауыт клубтарында өнер көрсетіп, жоғары деңгейдегі тәжірибесімен танылған футболшы. Оның «Қайсар» сапына қосылуы — команданың алдағы маусымдағы мақсаттарының айқын дәлелі.
Клуб басшылығы мен бапкерлік штаб Виктордың тәжірибесі мен шеберлігі команданың дамуына және жас ойыншылардың өсуіне оң әсер етеді деп сенеді.
Виктор Мозеске «Қайсар» сапында сәттілік тілейміз!
