«АҒАРТУШЫ МҰРАСЫ — ЖАСТАР КӨЗІМЕН»
Ыбырай Алтынсариннің идеялары бүгін қалай үндеседі?
Білім беру, тәрбие, ағарту, жас ұрпақтың жауапкершілігі – осы тақырыптарға өз көзқарасыңмен қарап, шығармашылығың арқылы жеткіз!
Қалқабай Әбенов атындағы қоғамдық қор, Қызылорда облысының қоғамдық даму басқармасы, «Сыр бойы» газеті және Қорқыт ата атындағы Қызылорда университеті Қызылорда облысының жоғары оқу орындары студенттерін Ыбырай Алтынсариннің 185 жылдығына арналған облыстық шығармашылық байқауға қатысуға шақырады.
НОМИНАЦИЯЛАРҒА ҚАТЫС:
Бейнематериал
Сараптамалық мақала
Жұмыс тақырыбы – Ыбырай Алтынсариннің мұрасы, қазіргі қоғамдағы білім беру, тәрбие және ағарту мәселелері.
Өз көзқарасыңды «Адал азамат», «Таза Қазақстан», «Заң мен тәртіп» тұжырымдамалары аясында аша аласың.
ӨЗ ҚОЛЫҢНАН НЕ КЕЛЕТІНІН КӨРСЕТ!
Байқау – шығармашылық қабілетіңді, сыни ойлау дағдыңды, авторлық ұстанымыңды танытуға, медиа саласында тәжірибе жинақтауға және өзіңдітанытуға мүмкіндік.
Әр номинация бойынша – үш жүлделі орын!
Жеңімпаздарға дипломдар мен ақшалай сыйлықтар табысталады.
Жұмыстарды қабылдау – 2026 жылғы 1 қазанға дейін.
Қорытынды шығару – 2026 жылғы 20 қазанға дейін.
Марапаттау рәсімі – 2026 жылғы 25 қазанда.
Ұлы ағартушының мұрасын жай ғана зерттеп қойма – БҮГІН ОНЫ ҚАЛАЙ КӨРЕТІНІҢДІ КӨРСЕТ!
«Ағартушы мұрасы – жастар көзімен»
Сенің идеяң осы мұраның бір бөлігіне айналуы мүмкін.
Ұйымдастыру алқасы.
