Ғани Мұратбаев ауылындағы №64 сайлау учаскесіне бір көшенің тұрғындары бір кісідей жиналып, азаматтық таңдауын жасады.
Ұлттық нақыштағы киімдерін киіп, ауылдың алты ауызын әуелете орындаған тұрғындар сайлау учаскесіне ерекше көңіл күймен келді.
«Біргеміз, берік іргеміз» деген көше тұрғындарының ұстанымы олардың күнделікті тіршілігінен де анық байқалады. Қуанышты да, маңызды сәттерді де бірге бөлісіп, ауылдың қоғамдық өміріне белсене араласатын көршілер Құрылтай сайлауында да ұйымшылдық танытты.
