Осы жылғы 3-11 шілде аралығында Түркістан қаласында ауыр атлетикадан жеке жаттығулар бойынша 20 жасқа дейінгі юниор ұлдар мен юниор қыздар арасындағы Қазақстан Республикасының жеке-командалық чемпионаты өтуде.
ҚР еңбегі сіңген спорт шебері, облыстағы ауыр атлетика бас бапкері А.Өтешов бастаған зілтеміршілер осы жарыстың бірінші күнінен-ақ жеңіс тұғырынан көріне бастады. Атап айтар болсақ,
Ерлер арасында:
60 кг Қойшыбек Мұхаммедали — І орын (жұлқа 100 кг және серпе 131кг, қоссайыста 231 кг.);
65 кг Русланұлы Бек — ІІ орын (жұлқа 113 кг және серпе 140 кг, қоссайыста 253 кг.);
65 кг Әбсаттар Жәнібек — ІІІ орын (жұлқа 104 кг және серпе 128 кг, қоссайыста 232 кг.);
71 кг Медетбаев Әли — І орын (жұлқа 114 кг және серпе 160 кг, қоссайыста 274 кг.);
79 кг Шаңғытбай Нұржан — ІІ орын (жұлқа 135 кг және серпе 160 кг, қоссайыста 295 кг.).
Қыздар арасында:
48 кг Туребаева Фатима — І орын (жұлқа 53 кг және серпе 61 кг, қоссайыста 114кг.);
69 кг Тәңірбергенова Алтынай — І орын (жұлқа 73 кг және серпе 105 кг, қоссайыста 178 кг.);
+86 кг Хауметова Сандуғаш — ІІІ орын (жұлқа 67 кг және серпе 92 кг, қоссайыста 159 кг.).
Сонымен қатар аталған жарыста жерлесіміз Мейрамбек Саят 71 кг салмақ дәрежесінде (жұлқа 105 кг және серпе 135 кг, қоссайыста 240 кг.) жеке рекордын жаңартып, алғаш ҚР спорт шебері атағына ие болды.
Додалы сайыстың ең жас қатысушысы ҚР жасөспірімдер арасындағы осы жылдың чемпионы Қызылордалық Қойшыбек Дінмұхаммед 71 кг салмақ дәрежесінде бағын сынап, VІІ орынды иеленді.
Спортшылардың бапкерлері: Жақсылық Азиз, Ералиев Айдар, Шамшатов Ержан, Тұржанов Аскербек, Әмірбеков Аят, Абдраев Арман, Мақаш Азамат, Утешов Берік және Алдабергенов Айбол.
Айта кетейік, ағымдағы жылғы 16-24 маусым аралығында Қызылорда облысы Қармақшы ауданында тарихта алғаш рет «2012 жылғы туылған және одан кіші жасөспірім ұлдар мен қыздар арасында Қазақстан Республикасының жеке-командалық чемпионаты» өтіп, Қызылорда облысының құрама командасы бірінші орынды жеңіп алған болатын.
Жарыс әлі жалғасуда…
