Жол тартты басты құжат қолданысқа,
Сермеуге батылдықпен қолды алысқа.
Жаңару жолындағы құтты белес -
Жүректі толтырып тұр толғанысқа.
Жаңарған Ата Заңы қазағымның,
Айғақтап, бағыт-бағдар ажарын мың.
Дамуға сара жол сап, күлімдейді,
Келбеті жарқыраған жаңа күннің.
Салтанат заң үстемдік құрды бүгін,
Айқындап қоғамның бас құндылығын.
Жасампаз елдің құнттап болашағын,
Бекітіп босағасын бірлігімнің.
Тарихи белеске аттап елім бүгін,
Болашақ жарқырайды сенімдімін.
Шаттығы желбірейді, ұсынғандай,
Көгімде көгілдір ту көрімдігін.
Келешек көркемделген сенімді ізбен, Тәуелсіз, егемендік негіздермен. Халықтың тұтастығын сақтау үшін, Береке, ынтымаққа негізделген.
Жер мен көк малынғандай шұғылаға,
Әділет мызғымайтын тұғырында.
Айбыны Ата Заңның асқақтасын,
Мәңгілік бағыт берер ғұмырына.
Маңдайын еңселі елдің жарқыратып,
Асығым тапжылмастан алшы жатыр.
Әлемді айбынымен таң қылатын,
Қазағым құтты болсын, төлқұжатың!
Алмагүл ҚАРЖАУБАЕВА,
ақын.
