Қызылорда қаласының пробация қызметі, Қызылорда қаласының дене тәрбиесі, спорт және туризм бөлімі және Қылмыстық жазасын өтеген адамдарды әлеуметтік бейімдеу мен оңалту орталығының ұйымдастыруымен ағымдағы жылдың маусым айының 26-сы күні, И.Ильин атындағы спорт алаңында шағын футболдан жарыс ұйымдастырылды.
Шараны Қылмыстық жазасын өтеген адамдарды әлеуметтік бейімдеу мен оңалту орталығының директорының орынбасары О.Әділ ашып, өз сөзінде мұндай іс-шаралардың салауатты өмір салтын насихаттауға, жастардың бос уақытын тиімді ұйымдастыруға, спорт арқылы достық қарым-қатынасты нығайтуға және қоғамға бейімделуіне ықпал ететінін атап өтіп, қатысушыларға сәттілік тіледі.
Қоғамнан оқшаулаумен байланысты емес жазаға сотталғандар және пробация қызметінде есепте тұрғандар тарапынан құқықбұзушылықты болдырмау және алдын алу мақсатында ұйымдастырылған шараға бас бостандығынан айыру орындарынан босатылғандар және пробация қызметі есебіндегі 25 азамат қатысып, өзара тартысты ойын өрнегін көрсетті. Жарыс нәтижесімен 1 орынды «Алғабас» командасы, 2 орынды «Сұңқар» командасы, 3 орынды «Чемпион» командасы иеленді.
Сондай-ақ, аталмыш сайыста ерекше көзге түскен қатысушыларға «Үздік шабуылшы», «Үздік қорғаушы», «Үздік ойыншы» секілді номинациялар беріліп, медальдар және дипломдармен марапатталды.
Салауатты өмір салтын насихаттауға бағытталған мұндай іс-шаралар алдағы уақытта да өз жалғасын табатын болады.
