Республика көлемінде, сондай-ақ қала және аудан аумағында жол-көлік оқиғаларының алдын алу, жол қозғалысы ережелерін сақтау деңгейін арттыру және жол қауіпсіздігін қамтамасыз ету мақсатында 2026 жылдың 17-25 мамыр аралығында «Қауіпсіз жол» жедел-профилактикалық іс-шарасы өткізілуде.
Іс-шара барысында полиция қызметкерлері жүргізушілер мен жаяу жүргіншілер арасында түсіндіру жұмыстарын күшейтіп, жол қозғалысы ережелерін қатаң сақтау қажеттігін ескертуде. Әсіресе, республикалық және қалааралық тасжолдарда жүргізушілерге ұзақ жолда шаршап, ұйықтап кетудің алдын алу, жол бойына кенеттен мал немесе жануарлардың шығу қаупіне мұқият болу жөнінде түсіндірілуде.
Сонымен қатар, тәртіп сақшылары жүргізушілерге жылдамдық режимін сақтау, қауіпсіздік белдігін тағу, мас күйінде көлік басқармау және жаяу жүргіншілер өткелдерінде барынша абай болу қажеттігін ескертуде.
«Жолдағы қауіпсіздік – әрбір азаматтың жауапкершілігі. Әсіресе, ұзақ сапарға шыққан жүргізушілер демалыс режимін сақтап, шаршаған жағдайда жолды жалғастырмай, тынығып алғаны дұрыс. Сондай-ақ, жолға кенеттен шығатын жануарлар жол-көлік оқиғасына себеп болуы мүмкін. Сондықтан барлық жүргізушілерді барынша сақ болуға шақырамыз», – деді полиция өкілі.
Полиция қызметкерлері кәмелетке толмаған балалардың қауіпсіздігіне де ерекше назар аударуда. Тұрғындарды жол қозғалысы ережелерін қатаң сақтап, өз өмірі мен өзгенің өміріне бейжай қарамауға шақырады.
Қызылорда облыстық полиция департаментінің баспасөз қызметі.
