Қызылорда қаласы Полиция басқармасының патрульдік полиция қызметкерлері жол қозғалысы ережесін бұзған «Daewoo Nexia» маркалы автокөлікті тоқтатты.
Тексеру барысында жүргізуші жауапкершіліктен жалтару мақсатында жолаушы орындығына ауысып, көлікті өзі басқармағанын айтқан. Алайда полицейлер оның жеке басын анықтау кезінде алкогольдік ішімдік ішкенін байқады.
Жүргізушіге жүргізілген наркологиялық сараптама қорытындысына сәйкес, оның орта дәрежелі масаң күйде болғаны анықталды.
Аталған дерек бойынша құқық бұзушыға қатысты Қазақстан Республикасының Әкімшілік құқық бұзушылық туралы кодексінің 608-бабының 1-бөлігімен әкімшілік хаттама рәсімделіп, автокөлік айып тұрағына қойылды.
Қызылорда облысының полициясы жүргізушілерді жол қозғалысы ережелерін қатаң сақтауға шақырады. Мас күйде көлік басқару – адам өмірі мен қауіпсіздігіне төнетін үлкен қатер екенін естен шығармаған жөн.
Қызылорда облыстық полиция департаментінің баспасөз қызметі
