9 мамыр – Жеңіс күні қарсаңында Қызылорда облысы Полиция департаментінің емханасында Ішкі істер органдарының ардагерлеріне арналған ашық есік күні ұйымдастырылды.
Іс-шара әлеуметтік және медициналық қолдау көрсету аясында өткізіліп, ардагерлердің денсаулық жағдайын бақылау, салауатты өмір салтын насихаттау және сапалы медициналық көмектің қолжетімділігін қамтамасыз етуді мақсат етті.
Шара барысында ардагерлер кешенді медициналық тексеруден өтіп, білікті дәрігерлердің қабылдауында болды. Мамандар қатысушыларға денсаулық жағдайына байланысты жеке кеңестер беріп, қажетті емдік-профилактикалық ұсынымдар ұсынды.
Сонымен қатар емхана қызметкерлері Ішкі істер органдарының ардагерлерінің үйлеріне арнайы барып, профилактикалық тексерулер жүргізіп, дәрігерлік кеңестер берді.
Мұндай игі бастамалар ардагерлердің денсаулығын нығайтуға, олардың өмір сапасын жақсартуға және қоғамдағы құрметін арттыруға бағытталған жүйелі жұмыстардың маңызды бөлігі болып табылады.
