Жеңіс таңы арайлап атқанында,
Жылы шуақ сыйлады жас жаныма.
Ерлікпенен аталар шайқасыпты,
Шөкімдей бұлт түсірмей аспаныма.
Ұлықтап ұлы ерліктің мәртебесін,
Қойылды Жеңіс деген көркем есім.
Майдангерлер ерлікпен жүздірді алға,
Отанның бейбітшілік өр кемесін.
Жеңіс туы желбіреп көгімде шын,
Адамзаттың көз жасы төгілмесін.
Егемен елдің даңқы арта берсін,
Қазағымның тілеуін Тәңір берсін!
Қазына ЖАҢАБАЙ,
№7 мектеп-лицейінің 11-сынып оқушысы.
Қызылорда қаласы.
