Серік-ай, Серік, құрдасым, қаным,
Естідім хабар, ауырды жаным.
Халқының қардар қайсары едің,
Адалдық тұнған ардағым, арым.
Серік-ай, Серік, тылсымың терең,
Хабарға мынау, қалайша сенем?
Шуылдап құлақ, шыңғырып әлем
Артыңда қалды-ау аңырап өлең.
Хабарға мынау, қалайша сенем?
Серік-ай, Серік!
Серік-ай, Серік,
Тілегің тектен.
Рухтың дәнін халқым деп сепкен.
Өмірдің өзін өлең деп өпкен,
Адыра Құдай, әттең-ай, әттең…
Серік-ай, Серік!
Оңталап Нұрмаханов,
ақын
