Қазіргі таңда аудан орталығындағы — Қазалы мәдени-демалыс кешенінде абаттандыру және көркейту жұмыстары қарқынды жүргізілуде.
Аудан тұрғындары мен қонақтарына жайлы әрі таза демалыс ортасын қалыптастыру мақсатында кешен аумағында кең көлемді санитарлық-тазалық және абаттандыру жұмыстары атқарылуда. Атап айтқанда, гүл көшеттері егіліп, жасыл аймақтар күтімге алынды. Кешен ішіндегі барлық нысандар жуылып, тазартылып, ағаш түптері әктелуде. Сонымен қатар орындықтар сырланып, жаяу жүргіншілер жолдары сыпырылып, жуылуда.
Веложолақтар жаңартылып, арнайы сызықтар сызылса, бордюрлер әктеліп, аумақтың эстетикалық келбеті жақсартылуда. Тазалық пен тәртіпті сақтау бағытындағы бұл жұмыстар демалушылар мен аудан қонақтарына қолайлы жағдай жасауға бағытталған.
Көркейген кешен – аудан келбетінің айнасы. Ортақ мекеніміздің тазалығы мен сән-салтанатын сақтау – баршамызға ортақ міндет.
