Көктем – жылдың ең әдемі әрі ерекше мезгілдерінің бірі. Қыстың ызғары кетіп, табиғат қайта жанданып, айнала гүлге тола бастайды. Көктем келгенде адамның да көңіл-күйі көтеріліп, жаңа үміт пен қуаныш пайда болады. Сондықтан көктем – жаңару мен өмірдің қайта басталуының белгісі.
Көктемде қар еріп, жер бусанып, ағаштар бүршік жарады. Құстар жылы жақтан қайта оралып, сайрай бастайды. Жер беті жасыл түске боялып, айнала әсем көрініске енеді. Бұл – табиғаттың тіріліп, жаңа өмір басталғанының белгісі.
Көктем келгенде адамдардың да көңілі көтеріліп, сергек бола түседі. Күннің жылынуы, табиғаттың әсемдігі адамға ерекше қуаныш сыйлайды. Оқушылар да бұл мезгілді жақсы көреді, өйткені ауа райы жылы болып, далада көбірек уақыт өткізуге мүмкіндік туады.
Көктем – еңбек етудің де басталатын уақыты. Адамдар жер өңдеп, егін егуге дайындалады. Ауылда мал төлдеп, тіршілік қыза түседі. Бұл мезгіл адамдарды еңбекқор болуға, табиғатпен үйлесімді өмір сүруге үйретеді.
Қорыта айтқанда, көктем – жаңару мен жақсылықтың жаршысы. Ол табиғатқа ғана емес, адам өміріне де өзгеріс әкеледі. Сондықтан әр адам көктемнің әрбір күнін бағалап, табиғатты аялап, жақсы істер жасауға тырысуы керек.
Қазына ЖАҢАБАЙ,
оқушы.
