Наурызнама онкүндігі аясында 18 наурыз – Ұлттық киім күніне орай Жаңақорған кентінде «Ұлтымыздың ұлылығы – ұлттық киімде» атты челлендж және шеру ұйымдастырылды.
Аталған іс-шараның негізгі мақсаты – ұлттық құндылықтарды дәріптеу, қазақ халқының дәстүрлі киім үлгілерін кеңінен насихаттау және жас ұрпақтың ұлттық мәдениетке деген қызығушылығын арттыру.
Іс-шара барысында Жаңақорған кентінің орталық көшелерімен өнерпаздар, спортшылар, жастар және мекеме қызметкерлері ұлттық киімдермен шеру жасап өтті. Қатысушылар қазақтың дәстүрлі киім үлгілерін көпшілікке таныстырып, тұрғындарға мерекелік көңіл-күй сыйлады.
