Наурыздың келіп сегізі,
Толқыды тілек теңізі.
Шалқытсын ана көңілін,
Ұрпақтың әрбір лебізі.
Шаттанса ана шаттансын,
Ақ сүті мәңгі ақталсын.
Әлемнің әрбір анасы,
Ұл-қызыменен мақтансын.
Анада жарқын жанар-өң,
Алақан жайсын паң әлем.
Ананың үстем мерейі,
Үйдегі бала-шағамен.
Ананы өріс көремін,
Құндағы » пейіш»-дер, едім.
Ананың жайған құшағы,
Қанаты періштелердің.
О.БАЗАРАЛЫ.
06.03.2026 ж.
