Бүгін Қазақстан Республикасы Президентінің жанындағы Ұлттық ғылым академиясында Ұлттық инженерлік академиясының президенті, Түркі әлемі математикалық қоғамының президенті, Қазақстан математикалық қоғамының президенті, профессор, академик Бақытжан Жұмағұлов ҚР Еңбек Ері, көрнекті ғалым, белгілі математик, академик Асқар Жұмаділдаевтың 70 жылдық мерейтойына арналған жиналыста алғысөз сөйледі.
Бақытжан Тұрсынұлы өз сөзінде мерейтой иесінің ғылым жолындағы табандылығы мен тереңдігін атап өтіп, оны отандық математиканың дамуына елеулі үлес қосқан тұлға ретінде бағалады. Сонымен қатар Асқар Жұмаділдаевтың еңбегі мемлекеттік деңгейде жоғары бағаланып,
«Қазақстанның Еңбек Ері» мәртебелі марапатына ие болуы соның айқын дәлелі екенін жеткізді.
Академик Бақытжан Жұмағұлов Мерейтой иесіне зор денсаулық, отбасына амандық, ғылымдағы және қоғамдық өмірдегі еңбегіне толайым табыс тіледі. Сондай-ақ, оның алдағы уақытта да жас ғалымдарға бағыт-бағдар беріп, отандық ғылымның өркендеуіне үлес қоса беретініне сенім білдірді.
