2026 жылдың 27-28 ақпаны және 1 наурызы күндері Қызылорда қаласындағы Салихитдин Айтбаев атындағы көркемсурет галереясында Қолөнер «URSHYK» (Ұршық) Республикалық қоғамдық бірлестігінің ұйымдастыруымен «Алтын алаша — күміс кілем» атты Республикалық қолөнершілер фестивалі өтеді.
Фестивальдің басты мақсаты — ұлттық қолөнерді дәріптеу, алаша мен кілем тоқу өнерінің тарихи маңызын кеңінен насихаттау, дәстүрлі шеберлікті сақтай отырып, оны жас ұрпаққа жеткізу.
Аталған мәдени шараға еліміздің әр өңірінен тәжірибелі қолөнершілер, ұлттық өнер шеберлері, ұстаздар мен жас өнерпаздар қатысады.
Фестиваль аясында:
• Қолөнер бұйымдарының көрмесі;
• Алаша және кілем тоқу дәстүріне арналған таныстырылымдар;
• Шеберлік сабақтары;
• Жастарға арналған тәжірибелік үйрету алаңдары;
• Ұлттық нақыштағы шығармашылық кездесулер ұйымдастырылады.
Тәжірибелі шеберлер жас буынға тегін шеберлік сағаттарын өткізіп, өз кәсіби тәжірибелерімен бөліседі.
Бұл фестиваль — ұлттық мұраны сақтау мен дамытуға бағытталған,дәстүр мен заманауи шығармашылықтың сабақтастығын көрсететін маңызды мәдени алаң.
