Былтыр аудан көлемінде жалпы құны 9 млрд. теңге болатын 7 инвестициялық жоба іске қосылады деп жоспарланды. Оның ішінде құны 3, 2 млрд теңге болатын 4 жоба іске қосылды.
Соның бірі аудан орталығында күнделікті тұрмысқа қажетті ұнтақтар өндіретін жаңа зауыт – «Ase Invest» серіктестігінің өндірістік цехы іске қосылды.
«Айс Химия Инрашат» ЖШС-ның қаржыландыруымен ашылған «Ase Invest» ЖШС-нің «Тұрмысқа қажетті ұнтақтар өндіру» жобасының құны – 300 млн. теңге, ал өнімділік қуаты – тәулігіне 22 тонна.
Зауыт 30 адамды тұрақты жұмыспен қамтып, аймақтың отандық өніммен қамтылуына тың серпін беруде. Өндірілетін ұнтақтардың 50 пайызы экспортқа, қалғаны ішкі нарыққа бағытталған.
Жобаның екінші кезеңінде ылғалды майлықтар өндірісі іске қосылады деп күтілуде.
Бұл жобалар — соңғы жылдары қарқынды дамып келе жатқан Аралдың шынайы көрінісі.
