Жыл басында Арал қаласындағы №4 мөлтек ауданы және Сексеуіл кенті мен Шижаға елді мекенінің тұрғындары көгілдір отынға қосылды.
Жақында ғана құны 5,2 млрд. теңге болатын автоматты газ тарату станциясы ашылып, Қамыстыбас елді мекенінің бір бөлігі көгілдір отын көзіне қосылды.
Бұл жоба арқылы алдағы уақытта Арал қаласының бергі жағы және Сыр беткейдегі 15 мыңнан астам тұрғыны бар 18 елді мекенді кезең-кезеңімен көгілдір отынға қосуға мүмкіндік туады.
Бүгінде сол ауылдарға көгілдір отын жеткізетін газ құбырының жобасы әзірленуде.
