Қазақ халқы ерте заманнан қасқырды киелі санаған. Қасқырдың тісін, аяғын бесікке іліп, баланы батыр, ержүрек болады деп түсінген. Тіпті, байрағына көк бөрінің бейнесін бейнелеген. “Көк бөрінің ұрпағымыз” деген сөздің де тегіннен-тегін айтылмағаны белгілі. Осы орайда, kiltmedia.kz оқырмандары үшін қасқырға тән бірнеше ерекшелікті тізбектеп көрген едік.
Қасқыр ешқашанда екі рет жұп құрмайды.
Терісін тірідей сылып алсаң да, қыңсыламайды.
Қасқырдың құртқасы өмірінде бір-ақ рет бөлтіріктейді.
Оны күшік кезінен асырасаң да, құйрығын бұлғаңдатып ешқашан еркелемейді.
Бөлтіріктесе жанындағы елді мекендердің малына шаппайды.
Қасқыр еш уақытта иттің күшігін бауырына баспайды.
Қасқырдың терісін илеп, қайнаған суға бірнеше рет салсаңыз да, өзіне тəн иісін жоғалтпайды.
Қасқырдың тісі тиген малдың қатарға қосылуы қиын.
Қасқырды тек иттің сырттаны ғана алады. Десе де, олар сырттан туатын итті аңдып жүріп өлтіруге тырысады екен.
Қасқыр боранды күндері 100 шақырымнан астам жорта алады.
