«Әл-Иттихад» клубының президенті Аммар Әл-Хайли футболшыға қалаған ақшасын беруге дайын.
Команда кезекті мәрте әлемдік футбол жұлдызы Лионель Мессиді өз құрамына тартуға талпыныс жасап отыр.
– Егер Месси «Әл-Иттихадпен» келісімшартқа қол қоюға келіссе, мен оған қалаған сомасын өзі жазуға мүмкіндік берер едім. Ақша мен үшін маңызды емес. Тек Мессидің біздің командада ойнағанын қалаймын. Өйткені, ол – футбол тарихындағы ең ұлы ойыншы, – деді Аммар Әл-Хайли.
Бұған дейін «Әл-Иттихад» 2023 жылы Мессиге жиі сөз болатын рекордтық 1,4 миллиард еуро көлеміндегі ұсыныс жасаған еді. Бірақ, футболшы одан бас тартқан. Әл-Хайлидің сөзінше, Месси ақша емес, отбасын таңдап, басымдықты АҚШ-тың «Интер Майами» клубына берген.
– «Интер Майамиге» қосылу отбасым үшін дұрыс шешім болды. Біз Парижде өте қиын 2 жыл өткіздік. Мұндағы сәт «Барселонадағы» өмірді еске түсіргендей жайлы. Күнделікті өмір, балалар, ең бастысы – отбасымыздың жақсы болуы… – деген еді Месси сұхбаттарының бірінде.
Месси қазіргі кезде «Интер Майамиде» доп тебеді және оның келісімшарты 2028 жылға дейін ұзартылған болуы ықтимал.
