Магомед Чихибубайұлы Куруглиев – еркін күрестен Қазақстан Республикасының халықаралық дәрежедегі спорт шебері, Қазақстан Республикасының еңбек сіңірген жаттықтырушысы, халықаралық және құрлықтық жарыстардың жүлдегері.
Ол 1974 жылы 16 қаңтарда Ресей Федерациясы, Дағыстан Республикасы, Хива ауданына қарасты Цнал ауылында дүниеге келген.
Қызмет жолы
Қазіргі уақытта Магомед Чихибубайұлы Маңғыстау облысы, Ақтау қаласындағы «Шоқыр Бөлтекұлы атындағы облыстық жоғары спорт шеберлігі мектебі» КММ-де еркін күрес бөлімінің аға жаттықтырушысы қызметін атқарады.
Жаттықтырушылық қызметінде ол жоғары кәсібилігімен, мол тәжірибесімен және жас спортшыларды тәрбиелеудегі жүйелі еңбегімен ерекшеленеді.
Спорттағы жетістіктері
Олимпиада ойындарына қатысушы:
Атланта-1996, (АҚШ);
Сидней-2000, (Аустралия);
Афина-2004, (Грекия).
Әлем чемпионаты:
3-орын, Будапешт-2005, (Венгрия).
Жазғы Азия ойындары:
3-орын, Банкгог-1998, (Таиланд);
2-орын, Пусан-2002, (Оңтүстік Корея);
3-орын, Доха-2006, (Қатар).
Азия чемпионаты:
2-орын, Сяошань-1996, (Қытай);
3-орын, Нью-Дели-2003, (Үндістан);
3-орын, Тегеран-2004, (Иран).
Шығыс Азия ойындары:
1-орын, Пусан-1997, (Оңтүстік Корея).
Бапкерлері:
Магомед Куруглиевтің спортшы ретінде қалыптасуына келесі жаттықтырушылар елеулі үлес қосты:
Дәурен Атамкулов, Нұрғали Рахманкулов, Олег Ушанов және Валентин Пустоветов.
Магомед Чихибубайұлы Куруглиев – қазақстандық еркін күрес спортының дамуына елеулі үлес қосқан спортшы және білікті жаттықтырушы. Оның көпжылдық спорттық және еңбек жолы жас спортшылар үшін үлгі-өнеге.
Айбек Мұханов,
арнайы kiltmedia.kz сайты үшін
