Бұған дейін ол мемлекетке мал өнімдерін өндіру және экспорттаумен 14 қазақстандық компания айналысатын.
Жақында ғана тағы 4 қазақстандық кәсіпорын БАӘ импорттаушыларының тізіліміне енгізіліп отыр.
Ауыл шаруашылығы министрлігі бұл шешім отандық өнімнің халықаралық қауіпсіздік пен сапа стандарттарының жоғары талаптарына сәйкестігін растайтынын мәлімдеді.
БАӘ Климаттың өзгеруі және қоршаған орта министрлігінің азық-түлік қауіпсіздігі агенттігінің басшысы Абдулла Джанаан Астанаға ат басын бұрып, Ветеринариялық бақылау және қадағалау комитетінің өкілдерімен кездескен. Қос тарап ынтымақтастықты, БАӘ нарығына ет өнімдерін экспорттық жеткізуді ұлғайтуды және азық-түлік қауіпсіздігін бақылау саласындағы мүмкіндіктерді талқылаған.
Сапар барысында делегация 2020 жылдан бастап БАӘ-дегі сиыр етінің негізгі жеткізушілерінің бірі саналатын KazBeef кәсіпорнына аялдады. Олар кәсіпорындағы қауіпсіздік, сапа және өнімді қадағалау стандарттарына жоғары баға беріп, ынтымақтастықты одан әрі кеңейтудің ұсынған.
Қазіргі уақытта БАӘ импорттаушылар тізіліміне мал өнімдерін өндіру және экспорттаумен айналысатын 14 қазақстандық компания кіреді. Тізімді кеңейту Қазақстанның Таяу Шығыс нарығындағы орнын нығайтуға мүмкіндік береді және ұлттық аграрлық экспорттың өсуіне қосымша мүмкіндіктер ашпақ.
